هل المبيعات هدف ؟
السلام عليكم ورحمة الله وبركاتة , كل عام وانتم بخير .
انا #محمد_على الشهير بـ #محمد_هوست ” إستشارى التسويق الرقمى والتجارة الالكترونية ” .
هنتكلم النهارده عن موضوع مهم جدا جدا أرجو يكون عند حضرتكم الصبر وطولة البال للقرأة لانه هيكون موضوع طويل لكن … أوعدكم ودى أمانه ف النهاية هتستفادو أستفادة كبيرة جدا جدا مش ببالغ لو قولت هتغير نظرتكم تماما للأمور فى مجال التسويق الالكترونى .
هل المبيعات هدف ؟
من أشهر الأمور الى بتواجهنا كـ مسوقين هيا #أحتياجات_العميل , بمعنى ان ديما يقابلنا عميل يطلب مننا نشتغل معاه فى التسويق الالكترونى ولما نسأله عن الهدف يقول ( #المبيعات ) , وده موضوعنا النهاردة .
.
.
المقصود انك مينفعش تخلى المبيعات هدف لان الجميع بلا استثناء عاوزين يوصلو للمبيعات سواء حضرتك كـ صاحب شركة او مشروع او محل او مطعم او حتى انا نفسى كـ مسوق نهاية ما اتمنى انى اوصل للمبيعات ( بيع خدماتى ) زى ما حضرتك عاوز توصل لانك تبيع ( سلعة او منتج او خدمة ) .
.
ولكن زى ما قولنا المبيعات ليست هدف بل هى نتيجة بتترتب على الاهداف الى حضرتك بتحطها فى خطة التسويق بتاعك .
.
فـ حضرتك لما تتعامل مع ( شركة تسويق _ او فرد فى التسويق _ او حتى تأسس قسم تسويق فى شركتك ) مينفعش توضح اهدافك ليهم انها المبيعات لان ساعتها هيكون الى ادامك كل المهم بالنسباله هوا انه يدى لحضرتك مجرد ارقام وبس ( يقولك اعلاناتك اتشافت الالاف المرات الشهر ده وتواصل معاك مئات الاشخاص الشهر ده ) فى حين انك ممكن تكون مبعتش بشكل فعلى وطبيعى هتجيب اللوم على الشخص الى شغال معاك فى التسويق وممكن تعتبره عديم الخبرة او حتى نصاب لكن المشكلة الحقيقية فى حضرتك مش فيه .
.
انا عارف ان كلامى هيضايق ناس كتير بس صدقونى انا بتكلم لمصلحتكم مش لمصلحتى الشخصية لازم حضرتكم تكونو منطقين وتعرفو ان عملية البيع بتعتمد على الالاف العوامل وده حرفيآ مش مجازيآ التسويق بالكامل مجرد عامل واحد من الالاف العوامل دى .
.
عملية البيع بتتأثر بتغيرات السوق نوع منتجك ومدى احتياج العميل ليه وخامته وسعره ومحيط عملك ومدى قوة المنافسه وحجم اعلاناتك وتسويقيك الى بيعتمد على امكانياتك ومدى قابلية العملاء لمنتجك ومدى احتياجهم ليه والفترة الزمنية والحالة الاقتصادية للبلد والافراد وطريقة ومستوى العرض وطريقة رد خدمة العملاء سواء السيلز او الكول سنتر على العملاء ومستواهم فى العمل ومدى اقناعهم وحجم شركتك او مشروعك ومدى ثقة العملاء فيك وتجارب العملاء السابقة ليك و و و و و و و و و ألخ .
.
كل دى واكتر طبعا عوامل بتأثر على انك هتبيع ولا مش هتبيع فـ هل من المنطقى انك تحمل المسؤلية لشخص كل دورة يعملك اعلانات ممولة او يدير منظومة التسويق ؟؟؟
.
لو بعدنا عن الواقع والمنطق هنتأذى كتير وهيتنصب علينا كتير فـ بلاش نسمح لحد يعملنا البحر طحينه ويوعدنا بوعود ضد المنطق والواقع ونخلى العشم يملى قلوبنا ونمشى وراهم ونضرب بالواقع والمنطق عرض الحائط ونرجع نزعل ونقول اتنصب علينا .
.
وطبعا فى شخص هيقول طيب انا عندى شغل بسيط ويدوب معايه امكانيات مادية بسيطه اوى اعمل بيها اعلانات ممولة مفيش معاية امكانيات اعمل بيها كل ده ايه الحل ؟
.
الحل وقتها انك ترضى بالنتائج طول ما هيا على نفس وزن امكانياتك , لكن ارجوك بلاش تخدع نفسك وتفهم نفسك انك لما تعمل حملة اعلانية بـ 1000 جنيه هتتردلك 10.000 جنيه لان ده مش صعب بل مستحيل والا كان زمان الجميع اغنياء .
.
فـ ننتقل للنهاية والملخص ونقول لو عاوز تحافظ على وقتك ومالك وتمشى بشكل صحيح بدون ما تخلى نفسك عرضة للنصب والاحتيال يبقى تتبع الارشادات دى .
.
قبل ما تشتغل بشكل فعلى لازم تحرص انك تكون فاهم السيستم الحقيقى ماشى ازاى عشان تعرف تفكر وتخطط وتنفذ صح بدون ما تبعد عن الواقع والمنطق .
.
وبعدين عين شخص متخصص فى #تحليل_البيانات ويفضل لو كان شخص ذو خبرة مهما كانت التكلفة صدقنى هتعود عليك بالربح فى المستقبل , وده هيكون دورة انه يحلل السوق والمنافسين ومنتجك ويديلك ملخص فى النهايه يقولك فيه انتا المفروض تعمل ايه بالارقام مش مجرد تخمينات , هيعرفك انتا محتاج ايه بظبط وهيعرفك محتاج تبدأ ازاى والتكاليف ايه .
.
بعد كده على حسب حجم مشروعك سواء هتأسس قسم تسويق فى شركتك او هتتعامل مع شركة تسويق او هتعين شخص فى كل الاحوال هتديهم اهداف منطقية يقدرو يشتغلو على اساسها زى مثلا ( #حجم_النمو ) , مثلا شركتك لسه جديدة بتقولهم فى خلال سنة مثلا عاوز حجم شركتى يكون كذا مسيطرة على جزء كذا من السوق او موقعى يكون ترتيبو كذا , ودى مجرد امثلة للأهداف , وبعدين بتشوف الامكانيات الى هما محتاجينها عشان يوصلوك لهدفك .
.
وفى حالة وصلت فعلا لهدفك وكل الامور مشيت بشكل مدروس ومنظم ومنطقى هتلاقى النتيجة الى هيا ( #المبيعات ) جت لوحدها كـ امر حتمى نيجة لما تم الوصول ليه من اهداف .
.
وبردة فى حالة ان شخص هيقول انا معايه شغل بسيط جدا مقدرش على كل ده فـ الامر مش هيختلف الى هيختلف اسلوبك فى التعامل مع المسوق وهوا انك توضحلة اهداف متحطهوش تحت ضغوط قوية .
.
زى مثلا تقول لشخص عاوزك تعملى حملة اعلانية ممولة الهدف منها يجيلى عدد رسائل ( تقريبى ) اد كذا مثلا ويكون الناس الى بيكلمونى صفاتهم كذا مثلا .
دى كلها اهداف منطقيه لو المسوق الى معاك شاطر وقدر يوصلك لهدفك فعلا هتلاقى النتيجة الحتمية #المبيعات برده بما يناسب حجمك وامكانياتك .
.
لكن ان حضرتك تقول ( عاوز حد يعملى اعلانات بعمولة من البيع ) او انك تقول ( عاوز حد يعملى اعلانات تحققلى مبيعات كتير ) فصدقنى والله اى شخص عنده خبرة حقيقية هيرفض يضيع وقته وجهده مع حضرتك , ومش هيتبقى ادامك الا مجموعة من النصابين الى هيعملولك البحر طحينة ويقوللك بس كده من عنينا وبعده تجربة وصرف فلوس كتير معاهم هترجع تشتكى زى الالاف البوستات يوميا على الفيس بوك الى بيشتكو من تجربة فشلت بكل المقايس .
.
فى النهاية اتمنى من الله انى اكون قدرت اساعد ولو بمعلومة وبعتذر على الاطالة وكل سنة وحضرتكم جميعا بخير 
.
ENG MOHAMED ALI
