السلام عليكم

مع أنتشار الهبد كامل الدسم من محترفى الهبد الغير متخصصين تعالو نصلح بعض المفاهيم وأتمنى اقدر أفيد ولو شخص واحد ولو بمعلومة واحده ان شاء الله …

1_ التسويق مجال مختلف عن المبيعات ( الماركتينج مجال مختلف عن السيلز ) وبناء على المثل الشهير الى بيقول صاحب بالين كداب فـ المسوق مستحيل يقدر يكون سيلز شاطر والسيلز مستحيل يكون ماركتير شاطر وده لان كل وظيفه منهم بتططلب من الشخص نفسه بعض الصفات والطباع المختلفه تماما عن الأخرى .

2_ الأعلان الشرعى هوا الأعلان الى بيتم عملة من حساب تجارى موثق بوسيلة دفع موثقة بأسم صاحب الحساب .

3_ الأعلان الغير شرعى هوا الأعلان الى بيتم من حساب مسروق او وسيلة الدفع بتاعته مسروقه .

3_ القسائم دى منح بيرسلها الفيس بوك لبعض الحسابات كـ تشجيع منه لانشاء الاعلانات وبتكون بـ 5 دولار ونادرة الحدوث وملهاش اى علاقة بكون الأعلان شرعى او غير شرعى والاشخاص المحتالين الى بيروجو لقسائم بمبالغ كبرى فى الغالب شغالين بحسابات مسروقه ودول شغلهم غير مضمون وهما نفسهم غير مضمونين .

4_ التسويق الألكترونى مش عبارة عن أعلانات لان الأعلانات مجرد جزء صغير جدا جدا من التسويق الألكترونى عموما .

5_ عشان تحقق نتائج لشغلك عن طريق التسويق الألكترونى فـ انتا محتاج ولو فى البداية لاجزاء كتيرة جدا من مجال التسويق الالكترونى نفسه مش الأعتماد على الأعلانات فقط .

6_ الأعتماد على الأعلانات فقط بيخلى شغلك ماشى بالصدفه او بالحظ معنى اصح وبختصار وقتها بيكون نجاحك معتمد على اعلانك هيروح لمين ومين ده عنده استعداد للشراء اد ايه ودى كلها حجات ملهاش اى علاقة بشطارة المسوق دى زى ما قولنا حظ الى بيعتمد على شطارة المسوق لما بيكون فيه خطة تسويق واضحه بأرقام واحصائيات ونتائج تقريبية .

7_ التسويق الالكترونى قسم وليس شخص مفيش حاجه اسمها ( انا عاوزك يا فلان تمسكلى التسويق الالكترونى كله ) لان فلان مهما بلغت خبرته ومهارته فـ هوا بشر ميقدرش يعمل كل حاجه لوحدو لا وقته ولا جهدو ولا مستوى تركيزه هيسمح بـ ده

8_ التسويق الالكترونى بيتحاسب بالراتب او مبلغ معين مقابل عملة مش بيتحاسب ب عمولة ولا نسبة وده ببساطه لان التسويق الالكترونى ليه اسس وقواعد واعمال منظمه ومحسوبة بيعملها وبيتحاسب فقط على انو عملها كويس ولا مش كويس لكن لما بيعمل اعلان وفى حالة ان الى عمل الاعلان شخص خبير فعلا فـ دوره بينتهى لما الاعلان يروح للشخص المستهدف لكن مش هيضرب الشخص ده على ايده ويقولو اشترى غصب عنك .

9_ السيلز او المبيعات بيتحاسب بـ راتب شهرى رمزى ونسبة او عمولة من المبيعات وده لان شغله بيفرض عليه كده ولانه بيتعامل بشكل مباشر مع العميل ومدى اقتناع العميل او شرائه لمنتج او سلعه بيعتمد على قوة اقناع موظف المبيعات .

10_ لما حضرتك تعمل اعلانات ممولة او تسويق الكترونى كامل لشغلك ومش يحقق النتائج المرجوه لازم تكون شخص متحضر وبروفيشنال فى ادارة عملك وتشوف التقارير والاحصائيات وتتابع العملاء وردوده و و و …. ألخ لحد ما تعرف الخلل فين وتصلحه بدال ما ترمى اللوم بدون اى وجه حق على قسم التسويق او المبيعات وخلاص وده لان فيه مليون عامل بيأثر على قرار العميل غير التسويق والمبيعات زى الوقت والمكان والسعر وحجم شركتك وثقة الناس فيك وسمعتك وجودة منتجك والقوة الشرائية والحالة الاقتصادية والمنافسين و و و و ….. ألخ .

11_ الناس الى ليل ونهار تسأل وتقول الاعلانات مالها ؟ هل فيه مشكلة ف الاعلانات ؟ الاعلانات مبتحققش نتائج ؟ سعر الرسائل غالى جدا ؟ وغيرها من الأسألة .. ي جماعه مفيش مشكلة فى الاعلانات ولا حاجه كل الحكايه ان حضرتك فاكرين ان الاعلانات دى شئ ثابت مبيتغيرش بدخلو تعملو ترويج لبوست وتحطو الفيزا وتبدأو الاعلان وفاكرين ان دى كل خطوات انشاء الاعلان وكمان لو حد عمل اعلانات مثلا وحققله نتائج معينه وجه يعمل نفس الاعلان تانى منتظر انو يحصل على نفس النتائج , وطبعا ده مش صحيح الاعلانات مش شئ ثابت الاعلانات بتعتمد على جودتها وعلى استهدفها وعلى ميزانيتها والميزانية ديما متغيرة بناء على دفع المنافسين وزيادة سعر المزاد او نقصانه وغيرها من الامور المتغيرة ولانه موضوع طويل جدا فـ بختصار الاعلانات مش شئ ثابت وذلك المتخصصين لان عدهم الخبرة ودراية بكل الامور المتغيرة بيقدرو يتعاملو مع التغيرات دى مهما كانت وانا هنا مش بدفعكم للتعامل مع الغير ولكن ده بكل الطرق أفضل .

.

.

فيه حجات كتير تانيه عاوز اتكلم فيها واشرحها بس للاسف مفيش وقت والبوست هيبقى طويل فوق العاده فأرجو المعذرة .

.

.

Eng Mohamed Ali