للأسف برده تم حذف البوست سريعا من كثرة السخرية تقريبآ ولكن سيتم الرد على اى حال لنشر الاستفادة العامة :

السلام عليكم : شوف ي فندم بعيدا عن التهريج وردا لوجه الله الكريم , وبعيدا عن نقطة الميزانية لان الاخوة المحترمين تكفلو بالرد عليها وان كان بأسلوب لذيذ ساخر ارجو منك متزعلش منهم برده , ولكن انا هرد على نقطة ( هياخد فلوسه بعد اول 1000 ظهور علشان اضمن النتايج ) لانها نقطة مهمه واتمنى انها تفيدك وتفيد كل الى هيشوف الكومينت .

اولا حضرتك لو سبقت بسوء النية هتكون بتدخل الشك والشك لما بيدخل من الباب النجاح بيهرب من الشباك , وخلينى اوضحلك , انتا كـ عميل اى ان كان وضعك وشغلك من حقك تدخل تسأل يا جماعة مين المسوق الكويس مين المحترم مين الامين مين الى حققو معاكم فعلا نجاحات وصدقنى هتلاقى كتير يسعدوك ويدلوك على ناس كتير محترمه , وحتى بعدها من حقك تاخد اسم او صورة الشخص وتسأل عنه تانى وتالت ورابع وخامس لان ف النهاية انتا الى بتتعب لمصلحتك فـ مهما كانت ميزانيتك اتعب انتا لمصلحتك براحتك , لكن الى مش من حقك انك يكون شغلك سامحنى فى اللفظ والتعبير اقل من المستوى المعدوم ميزانيتك لا تعنى شئ وبالتالى ربح الى هيشتغل معاك لا يذكر وبعد كل ده سواء انتا او كل الى زيك مستنى ان المسوقين هما الى يثبتلو كمان انهم كويسين ( اقتباسا من ردود احد الاخوه الأفاضل ” كأنهم هيتهافتو عليك وعلى شغلك ” ) لاء ده غلط وميرضيش الله ومش هيعرضك الا لحاجه من اتنين وده وعد منى شخصيا ( النصب او السخرية منك ) , ولحد دلوقتى مش عاوزك تشوف كلامى على انه اهانات عاوزك تشوفو على انو نصائح , وخلينا نفترض واحد وافق وعمل الاعلان وحقق الألف وصول ثم ام بعد ؟؟

حضرتك هترفض تدفعلو وساعتها هتكون انتا الى نصبت عليه واستفدت ان اعلانك وصل لـ 1000 شخص ببلاش ؟؟؟

ايوه ما زى ما حضرتك بتشك فى الناس الناس هتشك فيك انتا مش نبى يعنى ولا ليك ضامن

بشكل تانى نفترض انو عملك الاعلان ووصل لـ 1000 شخص وحضرتك التزمت وحولتلو الفلوس وبعدها هوا وقف الأعلان وقالك مع السلامه هتعمل ايه وقتها ؟؟؟

ايوه يعنى المقصد ان الى حضرتك بتتكلم عليه انتا وكل ضعاف النفوس سامحنى الى زى حضرتك مش مقياس ولا هيضمنلك حقك ولا هيضمن للى قدامك حقه لانه ببساطه مقياس خاطئ قائم على الشك والطبيعى والمنطقى ده وضع هيتجنبو اى انسان محترم وليه مكانه ووضع حتى لو كان هيكسب من وراك ملاين , وطبيعى ومنطقى مش هيقبلو الا الى شبه حضرتك الناس الى بتحب اللف والدوران عشان كده قولتلك الشك فى العمل شئ خطر , البوست بتاعك معناه فى نظر الناس مكتوب بالحبر السرى ( يلا تعالو انصبو عليا ) . فـ اتقى الله فى نفسك ي اخى وفى الناس وزى ما قولتلك من حقك انتا الى تتعب لان ده شغلك انتا ومصلحتك انتا فـ اتعب اوى فى اختيار الشخص المناسب والموثوق وساعتها اشتغلو بما يرضى الله بدون شك وان شاء الله ربنا هيكرمك