الأكثر خبرة
من الحاجات الى بتحزنى جدا على المستوى الشخصى , وتعتبر خطر جدا فى العمل هيا ثقافة ( الأكثر خبرة ) .
.
وأسمحولى أكتب بالعامية عشان محتاج الجميع يفهمنى , كلنا بنشوف تقريبا أغلب البوستات الى بيطلب فيها اصحاب العمل أشخاص للعمل , تلاقيه كاتب عاوز حد خبرة او عاوز حد بيطير او عاوز حد تنين , واى حد مبتدئ ميكلمنيش !!!
الأكثر خبرة
طيب السؤال هنا هوا خبير النهارده مش كان مبتدئ امبارح ؟
لو مبتدئ امبارح مأخدش فرصة كان هيبقى خبير النهارده ؟
ثم ايه الهدف ان حضرتك تطلب خبرة اكبر بكتير جدا جدا جدا جدا جدا جدا جدا من احتياجك للعمل ؟؟؟؟؟
.
ودى مشاهدات شوفتها كتير للاسف تحديدا ف الفيس بوك صعبه اوى انك تلاقى واحد عامل بوست كاتب فيه ( مش عاوز متبدئين عاوز واحد خبير جدا ملوش حل فى التسويق ) ولما نسأله طيب عاوزه فى ايه ……. يقول ( انا عندى محل ملابس وعاوز اعمل اعلان بـ 200 جنيه ) ؟؟؟؟!!!!!!!!
.
طبعا من نوع الادب والذوق انى اقول كامل الاحترام للشخص الى حابب يبدئ فى مجال ما بأمكانيات ضعيفه , وفعلا كامل الاحترام لشخصو لكن مش هحترم ابدأ لا طريقة تفكيرة ولا اسلوبه ولا اتوقعلو بـ ربع جنيه نجاح ابدا
.
يعنى حضرتك مبتدئ فى مجالك وعاوز خبير اوى اوى اوى طيب ازاى وليه ؟؟
حضرتك امكانياتك تكاد تكون معدومة وعاوز خبيرة اوى اوى اوى طيب ازاى وليه ؟؟
والسؤال الاهم هنا الخبير اوى اوى اوى ده هيتعامل معاك انتا ليه اصلا وعشان ايه وهل انتا اصلا تقدر على تكلفته ؟؟؟
ولا احنا شعب بنعششششششق اننا نضحك على نفسنا وعلى بعض لما تكون انتا عارف ان كلامك غير منطقى وبالتالى سبحان الله يقوم يطلعلك واحد يقولك انا خبير اوى اوى اوى وهمسكلك الشغل ده هل هتصدق اساسا انو عنده اى خبرة اساسا ؟؟؟؟؟؟؟؟
.
طيب خلينا نعكس الادوار ونشوف الموضوع من زاوية مختلفة ..
ايه شعورك كـ صاحب عمل لما كل لما تروح تطلب من شركة او شخص يمسك شغلك يقولك ( اجرى العب بعيد يا شاطر احنا مش بنشتغل مع مشاريع صغيرة او لسه بادئه ) ..؟؟؟؟ بأمانة الله هيكون ايه شعورك ؟؟
.
واخيرا ي جماعه مش عاوز حد يزعل من كلامى بس بالله عليكم أتقو الله فى الشباب والبنات المبتدئين الى بيسعو فعلا بكل جهد وقوة انهم يثبتو نفسهم وجدارتهم , اتقو الله فيهم وادولهم فرصة فى النهايه انتا هتدى لاى شخص مقابل لـ نتاج معين من عملة مش مقابل لـ خبرة
.
وفى النهاية أتمنى التوفيق للجميع ولأصدقائى واخواتى المبتدئين اسعو وكملو واجتهدو ان الله لا يضيع أجر من أحسن عملآ 
